Sunday 22 October, 2017

پاکستان نے قطر کو مرغی کے گوشت کی سپلائی کردی


کراچی : (کوہ نور نیوز) پاکستان نے قطر کو مرغی کا گوشت بر آمد کردیا ہے ، وفا ق ایوانہائے صنعت و تجارت کے صدر زبیر طفیل کے مطابق قطری تاجروں کو غذائی ضرورت پوری کرنے کی پیش کش کی تھی، کچھ قطری کمپنیوں نے مرغی کے گوشت کی ضرورت پوری کرنے کیلئے پاکستانی کمپنیوں سے رابطہ کیا۔ تفصیلات کے مطابق قطر کے پڑوسی ملکوں سے تجارتی رابطے ٹوٹنے کے بعد پاکستان نے قطر کو مرغی کا گوشت بر آمد کردیا ہے ۔وفا ق ایوانہائے صنعت و تجارت کے صدر زبیر طفیل کے مطابق ایف پی سی سی آئی نے قطر کی غذائی ضروریات کے کچھ راستے بند ہونے پرقطری تاجروں سے رابطہ کر کے پاکستا ن سے ہر طرح کی غذائی ضرورت پوری کرنے کی پیش کش کی تھی۔ انہوں نے بتایا کہ رابطے کے نتیجے میں کچھ قطری کمپنیوں نے فوری طور پر مرغی کے گوشت کی ضرورت پوری کرنے کے لیے پاکستانی کمپنیوں سے رابطہ کیا۔انہوں نے بتایا کہ قطر کے لیے مرغی کا گوشت ہوائی جہاز کے ذریعے بر آمدکیا گیا ہے ۔

پروگرام گائیڈ