Thursday 14 December, 2017

قندیل بلوچ کیس ، مفتی عبدالقوی کے ناقابل ضمانت وارنٹ جاری


ملتان (کوہ نور نیوز) قندیل بلوچ کیس میں مفتی عبدالقوی کے ناقابل ضمانت وارنٹ جاری کر دیئے گئے ہیں ۔ یہ وارنٹ جوڈیل مجسٹریٹ پرویز خان نے جاری کئے ۔ یاد رہے کہ قندیل بلوچ کو مفتی عبدالقوی کے ساتھ قابل اعتراض سیلفیاں منظر عام پر آنے کے بعد اس کے بھائی نے گلا دبا کر مار ڈالا تھا ۔ قندیل بلوچ کا تعلق ایک متوسط طبقے سے تھا اور اس نے اپنے کیریئر کا آغاز بطور ماڈل کیا تھا ۔ قندیل بلوچ کے شوبز میں آنے پر اس کے گھر والوں نے شدید مخالفت کی تھی مگر قندیل بلوچ نے شوبز چھوڑنے سے صاف انکار کر دیا تھا جس پر اس کے گھر والوں سے اختلافات بڑھتے گئے اور ایک روز اس کے بھائی نے گلا دبا کر اسے قتل کر دیا ۔ قندیل بلوچ قتل کیس کے تفتیشی افسر کا کہنا ہے کہ مفتی عبدالقوی کو شامل تفتیش نہیں کیا جا رہا ۔ قندیل بلوچ نے اپنی آزاد خیالی اور بے باکی کی وجہ سے بہت کم عرصے میں شوبز کی دنیا میں اپنا منفرد مقام بنا لیا تھا ۔ اس کے بعد قندیل بلوچ کو ایک ٹی وی پروگرام میں مفتی عبدالقوی نے شدید تنقید کا نشانہ بنایا تھا جس پر دونوں میں جھڑپ ہوئی اور بات تلخ کلامی تک پہنچ گئی تھی ۔ بعد ازاں ان تمام باتوں کو مدنظر رکھتے ہوئے قندیل بلوچ کے بھائی نے انتہائی قدم اٹھانے کا فیصلہ کیا اور اپنے کزن کے ساتھ مل کر قندیل بلوچ کو گلا دبا کر مار ڈالا ۔

پروگرام گائیڈ