Thursday 14 December, 2017

انگلش فٹبال کلب لیور پول کے ٹیم ڈاکٹر ظفر اقبال زلمی فیملی کا حصہ بن گئے


لاہور (کوہ نور نیوز) دنیا کے بہترین سپورٹس ڈاکٹر ، انگلش فٹبال کلب لیور پول کے ٹیم ڈاکٹر ، ڈاکٹر ظفر اقبال زلمی فیملی کا حصہ بن گئے ۔ دنیا کے بہترین سپورٹس ڈاکٹر اینڈ فزیو ڈاکٹر ظفر اقبال نے میڈیکل ایڈوائزر کی حیثیت سے زلمی گروپ کو جوائن کرلیا ۔ انگلش فٹبال کلبز لیور پول میں چار سال سے زائد فرسٹ ٹیم ڈاکٹر کی حیثیت سے ذمہ داری انجام دینے والے ڈاکٹر ظفر اقبال شہرہ آفاق فٹبالرز لوئس سواریز ، سٹیون جیراڈ ، اینڈٰی کورل ، فرنینڈ ٹورس کے ساتھ کام کرنیوالے ڈاکٹر ظفر اقبال زلمی کی تمام ٹیموں اور کھلاڑیوں کے میڈٰیکل ایڈوائزر ہوں گے جن میں پشاور زلمی ، بینونی زلمی اور گلوبل زلمی شامل ہیں ۔ ڈاکٹر ظفر اقبال نے اگست 2010 سے جنوری 2015 تک لیور پول فٹبال کلب کے ساتھ فرسٹ ٹیم ڈاکٹر کی حیثیت سے کام کیا .اس کے بعد وہ کرسٹل پیلس فٹبال کلب سے جولائی 2015 سے وابستہ ہیں ۔ پشاور زلمی اور بینونی زلمی کے چیئر مین جاوید آفریدی نے ڈاکٹر ظفر اقبال کو زلمی فیملی میں خوش آمدید کہتے ہوئے کہا ہے کہ ورلڈ کلاس کلبز اور کھلاڑیوں کے ساتھ کام کرنیوالے ڈاکٹر ظفر اقبال زلمی ٹیمز کے لیے اثاثہ اور ہمارے کھلاڑیوں کی فٹنس اور کارکردگی میں اضافے کا باعث بنیں گے ۔

پروگرام گائیڈ