بچوں سے زیادتی: ملوث مجرموں کو پھانسی دی جائے، پنجاب اسمبلی میں قرارداد جمع

لاہور: (کوہ نور نیوز) تحریک انصاف کے رکن ملک تیمور مسعود کی جانب سے جمع کرائی گئی قرارداد میں کہا گیا ہے کہ بچوں سے زیادتی اور قتل کی لرزہ خیز واقعات میں خطرناک حد تک اضافہ ہوگیا ہے۔ موثر قانون نہ ہونے کی وجہ سے سے ملزمان آزاد گھوم رہے ہیں۔ قرارداد میں کہا گیا کہ ضروری ہے کہ اس ضمن میں موثر قانون سازی کی جائے، ایسے واقعات کے مجرموں کو شہر کے چوراہے پر پھانسی دی جائے۔ قرارداد میں مطالبہ کیا گیا ہے کہ ایسے مجرموں کی لاشوں کو عبرت کے لئے 2 دن تک سولی پر لٹکائے رکھا جائے۔