سلمان بٹ ڈھاکا پریمیئر لیگ کھیلنے کے لیے بنگلہ دیش پہنچ گئے

ڈھاکا: (کوہ نور نیوز) سلمان بٹ کو پی سی بی کی جانب سے اس ایونٹ کیلیے کلیئرنس پہلے ہی مل چکی تھی، ڈھاکا پریمیئر لیگ 20 مارچ تک جاری رہے گی جس میں سلمان محمڈن اسپورٹنگ کلب کی نمائندگی کریں گے۔ ان کا اس لیگ میں ڈیبیو بدھ کے روز برادرز یونین سے میچ سے ہوگا۔ محمڈن کلب کے آفیشل وسیم خان نے کہاکہ ہمیں لیفٹ ہینڈڈ بیٹسمین کی تلاش تھی اور سلمان بٹ اس ذمہ داری کیلیے انتہائی موزوں ہیں۔ جہاں تک بات ان پر فکسنگ کیس میں عائد پابندی کی ہے تو وہ ماضی کی بات ہوچکی، سلمان بٹ کو کلیئر ہوئے عرصہ ہوچکا، ہم نہیں سمجھتے کہ اس حوالے سے کوئی مسئلہ ہوگا۔ ڈھاکا پریمیئر لیگ ایک ون ڈے ٹورنامنٹ ہے جس میں کئی انٹرنیشنل اسٹارز شرکت کرتے رہے ہیں۔