مقبوضہ کشمیر میں بھارتی فوجی کیمپ پر ایک اور حملہ، اہلکار ہلاک

سری نگر: (کوہ نور نیوز) مقبوضہ کشمیر کے دارالحکومت سری نگر کے علاقے کرن نگر میں سینٹرل ریزرو پولیس فورس (سی آر پی ایف) کے کیمپ پر 2 مسلح افراد نے حملہ کیا۔ حملہ آوروں نے کیمپ میں داخل ہونے کی کوشش کی لیکن بھارتی فورسز نے جوابی کارروائی کرتے ہوئے انہیں اندر داخل ہونے سے روک دیا۔ جھڑپ کے دوران ایک بھارتی اہلکار مارا گیا جب کہ حملہ آور فرار ہونے میں کامیاب ہوگئے۔ واضح رہے کہ مقبوضہ کشمیر میں بھارتی فوج پر 3 روز کے دوران یہ دوسرے حملہ ہے۔ گزشتہ روز بھارتی چھاؤنی سنجوان پر حملے میں 5 اہلکار ہلاک اور متعدد زخمی ہوگئے تھے۔