چینی سفارتخانے کی نئے آرمی چیف، چیئرمین جوائنٹ چیفس آف سٹاف کمیٹی کو مبارکباد

اسلام آباد: (کوہ نورنیوز) چینی سفارتخانے نے نئے آرمی چیف جنرل عاصم منیر اور نئے چیئرمین جوائنٹ چیفس آف سٹاف کمیٹی جنرل ساحر شمشاد مرزا کو مبارکباد دے دی۔ چینی سفارتخانے کی جانب سے کہا گیا کہ افواج کے درمیان دوطرفہ تعلقات اور تعاون کو فروغ دینے میں جنرل قمر جاوید باجوہ اور جنرل ندیم رضا کے تعاون کو بھی سراہتے ہیں۔ اس حوالے سے چینی سفارتخانے کا کہنا تھا کہ چین اور پاکستان تمام موسمی تزویراتی تعاون کے شراکت دار ہیں، پاک چین دوستی پر فخر ہے۔