واشنگٹن: (ویب ڈیسک) امریکی ریاست ساؤتھ کیرولائنا میں دوران پرواز ایف 35 بی لڑاکا طیارہ لاپتہ ہوگیا، جس کی تلاش جاری ہے۔ غیر ملکی میڈیا رپورٹس کے مطابق طیارے میں فنی خرابی ہونے کے باعث میرین کور کے پائلٹ نے پیراشوٹ سے چھلانگ لگا کر جان بچا لی لیکن طیارہ تاحال لاپتہ ہے، چارلسٹن ایئربیس نے طیارے کے لاپتہ ہونے کی تصدیق کی ہے، ایئر بیس حکام کا کہنا ہے کہ پائلٹ بحفاظت طیارے سے نکل گیا تھا، طیارے کو ڈھونڈنے کیلئے مولٹری جھیل، مارین جھیل اور چارلسٹن کے شمال میں سرچ آپریشن کیا جارہا ہے،شہریوں سے اپیل کی گئی ہے کہ اگر انہیں ایسی کوئی بھی معلومات ہوں جو ایف 35 لڑاکا طیارے کو ڈھونڈنے میں مددگار ثابت ہوسکیں تو فوری طور پر بیس ڈیفنس آپریشنز سینٹر کے نمبر پر رابطہ کریں۔
